Plantun de Prouvènço

Pèr coumpara dos planto d'encò nostre

Roemeria hybrida & Erysimum nevadense

Roemeria hybrida

Papaveraceae

Nom en français : Roemérie hybride.

Descripcioun :
Aquesto rousello-vióuleto es uno planto raro que trachis dins li meissoun mena en agriculturo traditiounalo o "bioulougico" (aquéu vèn d'un champ de caulet-rabo). Èi bèn poulideto e i'a pas pèr s'engana.

Usanço :
Li fueio soun manjadisso (Anatolìo, Grèço).

Port : Erbo
Taio : 15 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Roemeria
Famiho : Papaveraceae

Ordre : Ranunculales

Coulour de la flour : Vióuleto
Petalo : 4
Ø (o loungour) flour : 3 à 3,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Meissoun - Vignarés
Estànci : Termoumediterran à Subremediterran
Couroulougi : Arqueoufito
Ref. sc. : Roemeria hybrida (L.) DC., 1821

Girouflèio(-de-Prouvènço)

Erysimum nevadense

Brassicaceae Cruciferae

Nom en français : Vélar de Provence.

Descripcioun :
Aquesto girouflèio trachis dins li roucaio, tepiero seco e roucas de colo e de basso mountagno ounte èi coumuno. Li fueio soun longo e estrecho e li flour jauno. Mounte pas mai qu'aperaqui 1000 m ; s'atrobo pièi sa cousino, la girouflèio-de-Souïsso, Erysimum rhaeticum, qu'a de petalo mai larjo (5 à 10 mm alor que Erysimum nevadense fan pas mai que 5 mm en generau). Aquesto peréu fai pas de rejit esterlo à la flouresoun qu'es uno planto que trachis sus dos annado. Coumpara emé la girouflèio-de-Souïsso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60(80) cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Erysimum
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1800 m
Aparado : Noun

Liò : Colo - Basso mountagno - Roucaio - Tepiero seco
Estànci : Mesoumediterran à Mountagnard
Couroulougi : Pancaro entresigna
Ref. sc. : Erysimum nevadense Reut., 1855

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Roemeria hybrida & Erysimum nevadense

ges

Coumpara Rousello(-vióuleto) emé uno autro planto

Coumpara Girouflèio(-de-Prouvènço) emé uno autro planto